سعد علوش بيوم فراقنا الأول صوتية فديو وكتابية

بيوم فراقنا الأول ,, تغير موعد النوم مكان القهوة الأولى وشكل الإفطار بيوم فراقنا الاول ,, شربت اول زقاره من بعد مده بدون أعذار !! وأنا ماشرب زقاره من بعد مده بدون أعذار !! بيوم فراقنا الأول ,, أحس إني بديت انحل أحس إني بديت اقصر شعرت إني أنا المدري من تذكار !! بيوم فراقنا الأول ,, عرفت إن العطر ماهو من الأزهار هو الباقي من الأزهار !! وعرفت إن الملابس خدعة الخياط وإنها في الأصل أسوار وعرفت إني .. بدون ادري .. اعرف أسرار بيوم فراقنا الأول ,, عرفت إن الزمن واقف وموب دوار وعرفت إن الحياة اصلا اعاده ماهي استمرار بيوم فراقنا الأول,, ذكرت إني نسيت اختار شلون يكون هذا اليوم !! شلون يدوم هذا اليوم !! وقررت ان اصور شمس هذا اليوم واصورني معاها داخل الايطار عشان تدوم ,, وعشان أدوم ,, ولا تغرب ,, ولا انهار

سعد علوش فراقنا الاول

سعد علوش الاختناق كتابية وصوتية

سعد علوش الاختناق كتابية وصوتية

الغلا بعضه تنفس وبعضه اختناق
والتنفس شرق وأنا تغربت وحدي

يا إله الكون رب السموات الطباق
يالوحيد اللي بيديك ضعفي وجهدي

يالله انقذني من النار واللحد الضياق
واغفر ذنوبي وفرشني الورد الندي

واقسم لفمي من أرزاق جناتك مذاق
كاني حزت الرضا منك أببشر بسعدي

جزت عن دنيا بها اعداي كانوا لي رفاق
وتبت عن حلم حدوده مساحة مرقدي

و مت من فعل الجمايل براعين النفاق
وعن حد نفسي لها لو ما نيب محدي

العمر محسوب والجرح لا من فاق فاق
ما تغمض به دكاتر وقرية مهتدي

أبشع أشياء الحياة الظليمة والفراق
والغباء والمعصية والبنا عم الردي

وأنت ياللي صغت حلم التواصل بالسباق
قلت لي هيا وأنا جيت بالحلم اعدي

اعدي وانا مسوي خطأ فالإنطلاق
مبتدي من قبل لا سباق حلمك يبتدي

انفجر صدري وعدوي معك ما عاد لاق
وجيت مستسلم ولأنوار حلمك مقتدي

لين حلمك حطني بين قوسين احتراق
تحترق منا يدي وتحترق منا يدي

والله إن اكبر عيوب الرجل الإنزلاق
خص لا من صار دربك وحيش وسرمدي

أتعثر بس ما اسمع حكي شذاب ساق
كلمتي هي كلمتي وعدي هو وعدي

يا زكي خلقه ما هيب إلك شهقات الغراق
الاجودي ما هو يسوي كذا فالاجودي

لا تحسب إني بجنب عن اللي ما يطاق
والله إن صبري على خونة أيامي مدي

كل ما الأيام تصفقني ف بعدك طراق
كل ما استذكي على الحزن وأصحى واهتدي

لأني أخطيت ف وصالك وسببت انشقاق
ليت عقلي عند الأحلام ما طاع جسدي

الله يسامح خطا القلب يالصلب الرقاق
ليه يحيا ف البسيطة ويحلم ف الجدي

العفو والا الشكر كلها نفس السياق
إعرف إنك في عروقي مع الدم تغدي

لو كرات الدم ترث غلا والا اشتياق
كان أبتنافس على حبك انا ولدي

أعشقك بس العذر منك ما يطلق وثاق
منته ف مكة ليا أخطيت فيك أذبح فدي

لكن اذكرني ليا جاء اللحاق مع اللحاق
واعتصم هادي وعيا على الدمع مهدي

اذكر إن غيمة عيوني ليا بان الزراق
وهب طاريك تساقط على الخد بردي

والذي نفسي بيده إني أشعر بإختناق
كل ما هب الهواء شرق وأصبحت وحدي

للاستماع للقصيدة اضغط هنا ..

سعد علوش ياحسافه كتابية وصوتية يا بري حالي

ياحسافة سعد علوش يا بري حالي 

ياحسافه

اللي هاالدنيا بااهلها ماعليها اصلا حسافه

ياحسافه

ياشعور الشاعر وفكرة وقافه

ياصداعه ياشعافه

ياحسافه

يامجسم حلم متقوقع من ايام الخلافه

ياحسافه

ياابتسامات السخافه

ياثقافة جيل مايدري وش معنى الثقافه

ابتثقف شعر .. من بياع دكان الصرافه

.. ..

اسف اني في زمنهم .. . بس لحظة!! ماني منهم

يعني لو اوصفك في لحظة مثلهم لاتصدق

يافراشة نور .. والا اقولك .. بلاسخافه

بري حالي بري عود لفه اللاهوب واسفابه وطافه

.. ..

ايه ابيك

وذبلت عيوني وهي تبكي عليك

ماابي دمعك ولاشمعك ولاحلم انك شريك

ابي بس اجيك قبل تروح واسلم عليك

جعل يسقى يومني لامن بغيت اجيك

اكلم واجيك

.. ..

قلتلك صدقني انها

ياحسافه

لاكن اذكرني بدون ايه تفاصيل وكلافه

مستقيم دوّخ العالم بشعره وانحرافه

تكفى اذكرني وقل اسمي بتجريد ولطافه

كل ماتفتح شبابيكك

وتسقي الورود

وينتشرون عمال النظافه ..

سعد علوش حبيبتي تحفه كتابية وصوتية

لمشاهدة القصيدة 

حبيبتي تحفة من النوع الفريد	ولا جيت ابمدحها اخاف اذمها
لأن المديح بها ينقّص ما يزيد	و لأنها خيال و طايش ماهمها
متمردة و بعقل هارون الرشيد	و بالزين ما عذرا توقف يمها
لو قستها مثلا على الجيل الجديد	تحط (( حليمه بولند )) بكمها
من غيّها السادات سوّاد العبيد	تحر و تبرك عند ركبة عمها
ومن غيها لامن تثنّت كل حيد	وده يصير انسان لأجل يلمها
ومن غيها حتى الدهن عود العتيد	يسيل في يدها عشان يشمها
من غيها لامن خذت نفس جديد	تهاوشت الانفاس على فمها
لبيها ام الفكر وام القصيد	لبيها من ضحكها لى غمها
اللي بقوله جعلها الحظ السعيد	والله يخليها لأبوها و وامها

الشاعر سعد علوش - قصيدة اخذيني كتابية وصوتية

لمشاهدة القصيدة فديو

أخذيني ألياا عجبتك. بس رديني	وأن ماا عجبتك خلاص أخذيني. ماابيني
ما دامني شفت فيك الطهر والعفه	بااعيف نفسي ليا منك كرهتيني
أخذيني لو أعتبر من ضمن أشيااائك	وأناا بحبك ولا لازم تحبيني
مابي علاقه ولابي نضره أو بسمه	أحسااسي أني بقربك بس يكفيني
ولو أني أنضفت. لشياائك غصب عنك	طللي علي .. يااغناتي لاتخليني
ترااي لاجاا المصامد ماااني أبهين.	تقوول كن العرب لعبه بيديني
شخصيتي من غرابتها وطيبتهاا	كن الزمن في تحدي بينه او بيني
أخذيني الشاعر اللي ماااصدق حضه	لاقلت ياااحض وينك قاال يااويني
أخذيني المبدع. المتفلسف. التحفه	مؤمن وتضحك على العاالم شيااطيني
شهرة.شكسيبر وافلاطون وأنيوتن	لاقلتلي بيت شعر أطيح من عيني
وأخذيني العنصري اللي صدق متعنصر	من دون ربعي لو أقطع شرايني
وأخذيني اللي لياامنه طلب يعطاا	وتكفين لامن طلبتك لاترديني
تكفين يااغاايتي يابهجة الدنياا	أبحرق أقلوب ناااسن مااتدانيني
أخذيني أبكل شوق أو قولي أأحبه	وأن شككو فيك والافي ضميني
قولي سعد .والله أنه غاالين جدا	ويااجعل فدوه شبابي وااخر أسنيني
وأنا بصدق كلامك...وأعتنز بالله	وباااقول للناس ماايعيك يعنيني
وأنا علي نذر مرخص جيتك.وأنتي	نذرن على أرقبتك أنك مااتخليني